Uko wahagera

Ukekwa Gutwika Insengero Muri Leta ya Louisiana Yafashwe


Imwe mu mashengero yaturiwe muri Paruwasi St. Landry muri Louisiana

Izo nkongi zadutse mu nsengero eshatu z’Abanyamerika b’abirabura muri paruwasi ya St. Landry hagati y’italiki 26 z’ukwa gatatu n’italiki 4 z’ukwa kane.

Muri Leta Zunze Ubumwe z’Amerika abashinjacyaha baravuga ko bataye muri yombi umuntu ukekwa kuba yaratwitse insengero muri leta ya Louisiana iherereye mu majyepfo y’igihugu.

Izo nkongi zadutse mu nsengero eshatu z’Abanyamerika b’abirabura muri paruwasi ya St. Landry hagati y’italiki 26 z’ukwa gatatu n’italiki 4 z’ukwa kane. Izo nsengero zitwikwa nta bantu barimo nta n’uwakomerekeyemo.

Itangazo ryatanzwe n’umunyamategeko w’umunyamerika David Joseph nti ryigeze rivuga izina ry’uwatawe muri yombi. Ariko ryavuze ko ari mu maboko y’ubutegetsi bwa leta.

Yavuze ko ibiro bya minisitiri w’ubutabera bifatanyije n’ibiro bya leta bishinzwe iperereza (FBI) bakomeje gukorana n’abashinzwe iyubahirizwa ry’amategeko kandi ko bihanganishije n’abaturage ba paruwasi ya St. Landry.

Umuyobozi w’ishami ry'abashinzwe kuzimya umuriro muri leta ya Louisiana yavuze ko abakora iperereza hari ibyo babonye bikwiriye kwibazwaho mu nkongi z’imiriro zakongoye insengero za St. Mary, Greater Union rukanangiza Mount Pleasant zose z’ababatisita.

Facebook Forum

XS
SM
MD
LG