Uko wahagera

Ubwongereza Bwanse Gusohora Raporo Yagiriza Uburusiya


Umushikiranganji ajejwe imigenderanire y'Uburusiya n'ayandi makungu Sergey Lavrov ( i Buryo) kumwe n'umushikiranganji wa mbere w'Ubwongereza Boris Johnson (I Bubamfu)

Leta y’Ubwongereza yanze gushyira ahagaragara icyegeranyo gisuzuma ruhare rw’Uburusiya mu kwivanga mu nzira yabwo ya demokarasi nubwo amajwi y’ababisaba mbere y’amatora y’ukwa 12 akomeje kuba menshi.

Ibi bikomeje gutuma benshi bakeka ko isura y’ ishyaka ry’aba Conservative riri ku butegetsi mu Bwongereza ishobora kuhagirira igisare.

Icyo cyegeranyo cyakozwe n’akanama ko mu nteko ishinga amategeko y’Ubwongereza gashinzwe iperereza n’umutekano, kakirangiza mu kwa gatatu. Kagishyikirije Ministri w’Intebe ku ya 17 z’ukwa cumi.

Leta iravuga ko icyo cyegeranyo kigitegereje kwemezwa na zimwe mu nzego z’umutekano ariko umukuru w’akanama kagikoze akavuga ko nta kibura kugira ngo gitangazwe ku mugaragaro.

Icyo cyegeranyo gisuzuma ibivugwa ku Burusiya ko bwaba bwarivanze muri nzira ya demokarasi y’Ubwongereza harimo amatora rusange yo mu 2017 n’igihe bwatoraga ku cyemezo cyo kuva cyangwa kuguma mu muryango w’uburayi mu mwaka wa 2016.

Urwikekwe ruriho rushingiye k’uko icyo cyegeranyo gishobora kugaragaza imikoranire hagati y’Uburusiya n’ishyaka ry’aba Conservative riri ku butegetsi nkuko bivugwa n’impuguke. Abo muri iryo shyaka ariko baravuga ko ibyava muri icyo cyegeranyo bidashobora kubakoza isoni.

Facebook Forum

XS
SM
MD
LG