Uko wahagera

Ubwisanzure bw’Itangazamakuru Kw'Isi Buhagaze nabi


Freedom House - Press Freedom

Umuryango Freedom House uharanira iyubahirizwa ry’amahame ya demokarasi, uravuga ko ubwisanzure bw’itangazamakuru bugenda bugabanuka hirya no hino ku isi. Uwo muryango uravuga ko ibyo bijyana n’igabanuka ry’uburenganzira rusange bwa muntu hamwe n’ubugenwa n’itegeko.

Icyegeranyo ngarukamwaka cy’uyu muryango kiravuga ko mu 2019 ubwisanzure bw’itangazamakuru ku isi bwagiye ku rugero rwo hasi cyane ugereranije n’imyaka 10 ishize.

Freedom House yemeza ko ibyo biterwa na za leta zitegekesha igitugu no gutera ubwoba abanyamakuru bitari byarigeze mu bihugu byari bimenyerewemo ubwisanzure bw’abanyamakuru.

Icyegeranyo cya Freedom House kiravuga ko igabanuka ry’ubwisanzure bw’itagazamakuru rigendana n’uburyo bushya bwo gukandamiza kandi ko uko bikaza umurego mu bihugu bisanzwe bitegekesha igitugu, ari na ko bigenda bishinga imizi mu no mu byari bisanganywe ubwisanzure.

Iki cyegeranyo kiranenga Perezida Donald Trump wa Leta Zunze Ubumwe z’Amerika kivuga ko yagize uruhare mu gushegesha ubwisanzure bw’itangazamakuru muri Amerika no hirya no hino ku isi. Kivuga ko akangisha gukarishya amategeko ahana, kwambura bimwe mu bitangazamakuru uruhusa rwo gukora cyangwa gutambamira inyungu z’ubucuruzi ba nyir’ibitangazamakuru baba bafite ahandi.

Facebook Forum

XS
SM
MD
LG