Uko wahagera

Ubuyapani Bwasibije Imikino ya Olimpike Kubera Ikiza ca Corona


Umumenyeshamakuru arindiriye ikiganiro cafatiwemwo ingingo yo gusivya imikino ya olimpike y'uno melaka

Minisitiri w’Intebe w’Ubuyapani Shinzo Abe kuri uyu wa kabiri yatangaje ko imikino ya Olempike yagombaga kuba muri uyu mwaka wa 2020 yimuriwe mu mpeshyi z’umwaka utaha wa 2021 kubera icyorezo cya Virusi ya Corona.

Iyo mikino yagombaga gutangira mu kwa karindwi taliki 24 i Tokyo mu Buyapani. Minisitiri w’Intebe Shinzo yatangaje iby’isubikwa ry’iyo mikino mu gihe cy’umwaka nyuma y’ikiganiro kuri telefoni yagiranye na perezida w’Akanama Mpuzamahanga gashinzwe imikino ya Olempike, Thomas Bach.

Yavuze ko nta yandi mahitamo yari ahari uretse kuyisubika kuko ibyateguwe byose byari bitagishoboka kugenda uko byateganijwe. Yatangaje ko iri subikwa ribaye nyuma y’igitutu cya bimwe mu bihugu ndetse na bamwe mu bakinnyi bagombaga kuzitabira iyo mikino.

Byatangiye kugaragara ku cyumweru ko iyo mikino ishobora gusubikwa ubwo igihugu cya Canada cyatangazaga ko kitazashobora kuyitabira. Muri Australia bo bavuze ko batazashobora gukora imyitozo uko bikwiriye kubera ingamba zo gukumira icyorezo cya Virusi ya Corona.

Ubuyapani bwari bumaze gutanga miliyari $10 mu myaka irindwi bumaze bwitegura iyi mikino.

Facebook Forum

XS
SM
MD
LG