Uko wahagera

Ubutaliyano Bwugaye Amashure Yose Kubera Corona


Umwigisha wa kaminuza mw'ishure rigaragara

Mu rwego rwo gukumira ikwirakwizwa rya virusi ya Corona, igihugu cy’Ubutaliyani cyafashe icyemezo cyo gufunga amashuli mato na za Kaminuza kugeza mu kwezi kwa Gatatu hagati.

Iyo virusi imaze guhitana abantu 79 muri icyo gihugu.

Gufunga amashuri bibaye mu gihe ibihugu byinshi byo ku isi na byo bikomeje gutekereza ku ngamba byafata kugirango virusi ya Corona ireke gukomeza gukwirakwira.

Ubutaliyani buza ku mwanya wa kabiri nyuma y’Ubushinwa, mu kugira umubare munini w’abamaze guhitanwa n'iyo virusi.

Kuri uyu wa gatatu kandi, igihugu cy’Ubuhinde na cyo cyatangaje imibare mishya y'abamaze kwandura iyi virusi. Kivuga ko abanduye bavuye kuri batanu bakagera kuri 28. Barakeka ko iyo virusi ishobora kuba yarinjijwe mu gihugu n’abamukerarugendo bavuye mu Butaliyani.

Kugeza ubu, abantu bamaze kwemezwa ko banduye ni 93000 ku isi yose, naho abo imaze guhitana ni 3100.

Umuyobozi w’ishami ry’umuryango w’abibumbye ryita ku buzima OMS, Tedros Adhanom Ghebreyesus arasaba abantu hirya no hino ku Isi, kutikubira bimwe mu bikoresho nkenerwa kwa muganga nk’ibizwi nka maski bifunga umunwa n’amazuru.

Bwana Tedros avuga ko ibyo bikenewe cyane kwa muganga. Ibi byashimagiwe kandi n’inzobere mu ndwara z’ibyorezo zemeza ko izi maski zitabuza abantu kwandura.

Facebook Forum

XS
SM
MD
LG