Imirwano yamaze iminsi itatu mu mpera z'icyumweru gishize hagati y'abo mu bwoko bwa Masalit n'abo mu bwoko bw'Abarabu. Nyuma yayo, ejobundi kuwa mbere, indi mirwano yabaye hagati y'abo mu bwoko bwitwa Fallata n'Abarabu. Yose hamwe yahitanye abantu 159, ikomerekeramo abandi barenga 200.
Mwalimu Ismael Ibrahim, wigisha muri kaminuza y'i Khartoum, yasobanuriye Ijwi ry'Amerika ko ubu bwicanyi bufite imizi mu ntambara zayogoje Darfur kuva mu 2003 na politiki y'uwahoze ari umukuru w'igihugu cya Sudani, Omar al Bashir, yateranyije amoko y'Abirabura n'Abarabu muri Darfur.
Bashir byamuviriyemo impapuro zo kumuta muri yombi z'urukiko mpanabyaha mpuzamahanga, CPI, rumurega jenoside, ibyaha by'intambara, n'ibyaha byibasiye inyokomuntu. Naho UNAMID, umutwe w'ingabo z'amahoro za ONU n'Umuryango w'Afrika yunze ubumwe, yari yaratabaye Darfur, yatangiye kuvayo mu mpera z'ukwezi kwa 12 gushize.
Facebook Forum