Uko wahagera

Siriya Iraregwa Gukoresha Intwaro z'Ubumara ku Baturage Bayo


Ifoto y'uko byari bimeze ku muhanda w' i Douma, hafi y'i Damasiko muri Siriya bikekwa ko hakoreshejwe intwaro z'ubumara taliki 16, z'ukwa kane 2018.

Fernando Arias, umuyobozi w'Umuryango mpuzamahanga wo kurwanya intwaro z'ubumara n'iz'uburozi, OIAC mu magambo magufi y'Igifaransa, yari imbere y'Inteko y'Umuryango w'Abibumbye ishinzwe umutekano ku isi. Yavuze ko abahanga bawo bakoze anketi ku birego 77 kuri Syria. Baguye ku mwanzuro ko leta ya Pereziza Bashar al-Assad yakoresheje cyangwa yaba yarakoresheje intwaro z'ubumara byibura inshuro 17.

Mu kwezi kwa munani 2014, guverinoma ya Syria yatangaje ko yashenye intwaro z'ubumara zose yari itunze. Ariko Fernando Arias we yemeza ko Syria itanga amakuru atari yo muri OIAC ku ntwaro z'ubumara ifite n'izo irimo ikora.

Ambasaderi w'Ubwongereza muri ONU, Barbara Woodward, na we avuga ko hari ibibazo 20 bidafite ibisubiro ku byo Syria itangaza ku mugaragaro.

Richard Mills, wungirije ambasaderi wa Leta zunze ubumwe z'Amerika muri ONU, nawe, ati: "Ingoma ya Assad, ishyigikiwe n'Uburusiya, ihora yirengagiza igenzura mpuzamahanga kuri gahunda yo gusenya intwaro zayo z'ubumara."

Ambasaderi w'Uburusiya muri ONU, Vassily Nebenzia, ariga OIAC kubogama kubera ko ari igikoresho cy'ibihugu byo mu burengerazuba bw'isi.

Facebook Forum

XS
SM
MD
LG