Uko wahagera

RSF Yamagana Iterabwoba Pakistani Ikora ku Banyamakuru


Isanamu yakoreshejwe cane mu kwiyamiriza igandagurwa rya Jamal Khashoggi

Umuryango mpuzamahanga uharanira uburenganzira bw’abanyamakuru umaze kwamagana igikorwa cya Pakistani cyo gukora iperereza ku banyamakuru bashyize ku mbuga nkoranyambaga amafoto ya Jamal Khashoggi, mugenzi wabo wo muri Arabia Saoudite wishwe mu mwaka ushize.

Umuryango Reporters Sans Frontieres uravuga ko watangajwe n’iki gikorwa cyo gutera ubwoba abanyamakuru muri Pakistan. Abanenga ibikorwa by’ubutegetsi baravuga ko gufata, gufunga, gukubitwa no gutoteza abashishikariza rubanda gutanga ibitekerezo byabo ku mbuga nkoranyambaga byiyongereye muri Pakistan mu gihe cy’umwaka umwe ushize.

Baravuga ko byatumye abanditsi n’abatanga ibitekerezo byabo kuri izo mbuga batangira kwikandakira batinya ko bagubwa gitumo bakagirirwa nabi.

Mu kwezi gushize ishami rishinzwe ibyaha bikorerwa kuri internet mu kigo cy’igihugu gishinzwe iperereza ryatangiye ubushakashatsi buregwamo itsinda ry’abanyamakuru b’ibirangirire batandatu, kuba baratangiye gahunda igamije kwibasira igikomangoma Mohammed bin Salman wa Arabia Soudite ubwo yagiriraga uruzinduko muri Pakistani mu kwezi kwa kabiri.

Reporters Sans Frontieres, iravuga ko gutoteza abanyamakuru kubera gusa ko bashyize ku mbuga ibidashimishije ubutegetsi bigaragaza uburyo leta ya Pakistani ifata abatavuga rumwe nabo bose.

Facebook Forum

XS
SM
MD
LG