Uko wahagera

Ramaphosa Avuga ko Imvururu Zimaze Igihe mu Gihugu Cye Zateguwe


Umwe mu basirikare bo muri Afurika

Muri Afrika y'Epfo, Perezida Cyril Ramaphosa yatangaje ko imvururu zimaze iminsi mu gihugu cye zateguwe. Uyu munsi, Ramaphosa yasuye umujyi wa Durban, mu ntara ya Kwazulu-Natal, aho imvururu zatangiriye mu cyumweru gishize.

Bwari ubwa mbere agiye kwirebera ibyabaye, amahano ya mbere mabi cyane kuva Afrika y'Epfo yinjiye mu nzira ya demokarasi idakumira, nyuma y'ingoma y'apartheid yahirimye mu 1994.

Perezida Ramaphosa yatangaje ko izi mvururu zitaturutse mu kirere. Yemeza ko "zateguwe" n'abantu atavuze. Ati: "Tugiye kubakurikirana. Hari abo tumaze kumenya. Ntituzemera akaduruvayo."

Kuri aba bantu baba barabiteguye, polisi y'Afrika y'Epfo yatangaje ko irimo ikora amaperereza kuri 12, kandi ko umwe muri bo yafashwe. Muri rusange, abarenga 2,000 batawe muri yombi. Naho abantu imvururu zahitanye bamaze kugera ku 121, barimo 95 bo mu ntara ya Kwazulu-Natal yonyine gusa. Abandi ni abo mu ntara ya Gauteng. Ibyangiritse, leta nabyo yatangiye kubibarura.

Facebook Forum

XS
SM
MD
LG