Uko wahagera

Pedro Castillo Yatsinze Amatora ya Perezida muri Peru


Abashyigikiye umukandida wiyamamaza ku mwanya wa Perezida wa Peru, mu matora y’umukuru w’igihugu bavuze ko Pedro Castillo yatsinze amatora mu gihe uwo bari bahanganye we avuga ko amajwi yibwe.

Uwari uhanganye na Pedro Castillo mu matora ku mwanya w’umukuru w’igihugu muri Peru, Madamu Keiko Fujimori, akaba n’umukobwa w’uwahoze ari Perezida w’iki gihugu Alberto Fujimori yamaganye yivuye inyuma ibyayavuyemo.

Fujimori avuga ko amajwi abarirwa mu bihumbi yabaruwe kuri iki cyumweru yagaragayemo uburiganya.

Fujimori yasabye komisiyo y’amatora ku rwego rw’igihugu ko amajwi agera ku bihumbi 200 yabaruwe ku cyumweru, atabarwa ahubwo hagasuzumwa andi majwi ibihumbi 300. Gusa, ntabasha kwerekana ibimenyetso bishimangira ko ibyo avuga ari ukuri.

Madamu Fujimori yumvikanye avuga ko icyo aharanira atari umwanya wo kuba perezida, ahubwo ko ari uko amajwi y’abaturage ba Peru babarirwa muri za miliyoni yakubahwa kandi ko bifuza ko agaragaramo umucyo.

Yavuze kandi ko abwira abaturage kutagira ubwoba n’ubwo bari mu bihe byo gushidikanya ku byabaye ariko yizeye ko hazagaragara ubushake bwo kwerekana umucyo. Abari bashyigikiye Fujimori ejo kuwa gatatu biroshye mu mihanda bigaragambya, aho umukandida wabo yumvikanye avuga ko igihugu kitagira demokarasi kidashobora kugira ejo heza.

Hakurikijwe ibyatangajwe na Komisiyo y’amatora, Castillo yatsinze amatora ku majwi 50.2 ku ijana mu gihe Fujimori yarafite 49.9 ku ijana.

Facebook Forum

XS
SM
MD
LG