Uko wahagera

Pakistani Yagabye Ibitero ku Nyeshyamba z'Abatalibani


Abashinzwe umutekano muri Pakistani

Ubutegetsi bwa Pakistani kuri uyu wa gatanu bwemeje ko ingabo za leta enye zaguye mu gitero zagabweho n'abarwanyi batavuga rumwe n'ubutegetsi hafi y'umupaka w'icyo gihugu n'Afghanistani.

Itangazo ryasohowe n'ingabo za Pakistani ryavuze ko zagabye igitero ku ndiri y'umutwe w'Abatalibani bo muri Pakistani mu mujyi wa Mir Ali uri mu karere ka Waziristan gaherereye ku mupaka wo mu majyaruguru y'icyo gihugu.

Iryo tangazo ryavuze ko umwe mu bakora iterabwoba yafashwe mpiri agafatanwa n'intwaro zirimo imbunda n'amasasu. Rivuga ko ingabo za leta zatakarije abasirikare bane mu isibaniro ry'intambara yabaye hagati y'impande zombi

Iryo tangazo nta byinshi ryavuze kuri iryo sibaniro ry'intambara ikomeye bamwe bakomneje kuvuga ko yabaye ku munsi w'ejo. Gusa umutwe w'aba Talibani wo muri Pakistani witwa Tehrik-i-Taliban Pakistan wemeje ko ibirindiro byawo biri i Waziristan byagabweho igitero, uvuga ko ingabo zawo zishe iza leta nyinshi ariko ntiwagira icyo uvuga ku bawo baba baraguye muri iyo ntambara.

Facebook Forum

XS
SM
MD
LG