Uko wahagera

Ostraliya Yahagaritse Urukiko rwa COVID-19 Yageragezaga


Umwe mu bantu bitanze kugeragerezwaho urikingo rwa Covid-19 rwakozwe na kaminuza ya Queensland, iri i Brisbane muri Australia, iyi foto yafashwe mu kwezi kwa karindwi talike 13, 2020.

Ihagarikwas ry'urwo rukingo rwa Covid 19 ryabaye nyuma y’uko abaruhawe bagaragaje ibimenyetso by’uko bafite virusi ya Sida kandi ataribyo, cyakora guverinoma irasaba rubanda kugirira icyizere indi miti irimo kugeragezwa. 

Igeragezwa ry’urukingo rwa COVID-19 ryahagaritswe, n’iry’urukingo rurimo gukorwa na kaminuza ya Queensland ya Ostraliya, ifatanyije n’isosiyeti CSL. Rwari rukenewe nk’igisubizo kuri iki cyorezo kandi guverinema yari yarasinye amasezerano yo kugura doze miliyoni 51 z’urukingo.

Ubusanzwe bifata imyaka mbere yo kugera ku rukingo, cyakora COVID-19 yatumye abashakashatsi basiganwa kugira babone urukingo rwakora kuri iyi ndwara.

Guverinema ya Ostraliya nayo ntiyahatanzwe, ariko yatangaje mu buryo butunguranye ko ihagaritse igeragezwa ry’urukingo rwarimo gukorwa na kaminuza ya Queensland.

Mu cyiciro cya mbere, mu kwezi kwa kalindwi, rwari rwatangiye kugeragezwa ku bantu 216. Ibyiciro bibiri byagombaga gukurikira, byahagaritswe.

Urwo rukingo rwa kaminuza ya Queensland rwari rumwe muri enye zashoboraga kuzahangara virusi ya Corona. Guverinema ya Ostraliya yatekereza kuzarukoresha mu mwaka utaha, hamwe n’urwa AstraZeneca rwa kaminuza ya Oxford.

Minisitiri w’intebe wa Ostraliya, Scott Morrison, yagize ati: “icyemezo cyo guhagarika igeragezwa ry’urwo rukingo, rirarushaho guha abanya-Ostraliya icyizere ko turimo gukorana ubushishozi” mu bijyanye n’urukingo rwa COVID-19.

Cyakora zimwe mu mpuguke zifite ubwoba ko rubanda ishobora gutakariza icyizere gahunda y’inkingo.

Guverinema yari yavuze ko mu masezerano ya Ostraliya ajyanye n’inkingo, zizaba zihagije kuri miliyoni 25 z’abaturage, n’ubwo rumwe cyangwa ebyiri zitagera ku ntego.

Facebook Forum

XS
SM
MD
LG