Uko wahagera

OMS Yemeje Urukingo Sinopharm rwa COVID-19 rw'Ubushinwa


Ishami ry’umuryango w’abimbumbye ryita ku buzima OMS, ryemeje urukingo Sinopharm rwa COVID-19 rw’isosiyeti ya Leta y’Ubushinwa uyu munsi kuwa gatanu. Bizafasha ubuyobozi bw’i Beijing mu ruhare rwabwo rukomeye mw’itangwa ry’inkingo kw’isi.

Urwo rukingo ni rumwe muri ebyiri za virusi ya corona zamaze guhabwa miliyoni z’abantu mu Bushinwa n’ahandi. Ni urwa mbere rukozwe n’igihugu kitari icyo mu burengerazuba bw’isi rushyigikiwe na OMS. Ni no ku ncuro ya mbere OMS yemeza itangwa ry’urukingo rw’Ubushinwa ku ndwara iyo ariyo yose yandura.

Kuba OMS yashyize urwo rukingo ku rutonde, ni ikimenyetso cyereka abashyiraho amategeko ajyanye n’imiti ko nta ngaruka rufite kandi rukora. Biranatuma rwinjizwa muri gahunda ya COVAX kugira ngo ibihugu ahanini bikennye bibone inkingo, kugeza ubu byahuye n’ikibazo cy’umubare muke wazo. OMS yamaze kwemera inkingo za COVID-19 zakozwe n’amasosiyeti Pfizer-BioNTech, AstraZeneca, Johnson & Johnson na Moderna.

Umwanzuro wo kwemeza urukingo rwa Sinopharm, wafashwe n’itsinda ritanga inama rya OMS, ryatangiye guterana kw’italiki ya 26 y’ukwezi gushize kwa kane risuzuma imibare yavuye mu bushakashatsi hamwe n’ibiciro bya Sinopharm.Haratangwa inama ko urwo rukingo rwahabwa abantu bafite hejuru y’imyaka 18, rugatangwa mu byiciro bibiri.

Facebook Forum

XS
SM
MD
LG