Uko wahagera

OMS: Covid 19 Ishobora Gutinda mu Mubiri


Ishami ry'Umuryango w'abimbumbye ryita ko ubuzima OMS ryatangaje kuri uyu wa kane ko umwe mu bantu 10 barwaye Covid 19 akomeza kugira ibibazo by'uburwayi mu byumweru 12 bikurikiye ukwandura kwe. OMS irasaba za leta kwita kuri abo bantu.

Mu kiganiro kigenewe abanyamakuru cyabaye hakoreshejwe uburyo bw'iya kure, Ishami ry'Umuryango w'Abibumbye ryita ku buzima (OMS) ryo ku mugabane w'Ubulayi, ryasohoye inyadiko igaragaza uko ibihugu byitwaye mu kibazo cy'abantu barwaye Covid 19 igihe kirekire.

Hans Kluge, uyobora OMS ku mugabene w'Ubulayi, yavuze ko ibyiswe uburwayi bwa Covid 19 bw'igihe kirekire bishobora kuzana n'ibimenyetso by'umunaniro ukabije, kubabara mu gituza, kubyimba umutima, kubabara umutwe, kwibagirwa, agahunda gasaze, kudahumurirwa cyangwa kutanukirwa, umuriro utavanaho, gucibwamo no kumva urusaku ruduhira mu matwi.

Iyo nyandiko iravuga ko amakuru yagaragaye yerekana ko umuntu umwe muri bane banduye Covid 19 agaragaza ibyo bimenyetso mu kwezi kumwe nyuma yo kugaragaza ubwandu, naho umuntu umwe mu bantu 10 akabigaragaza nyuma y'ibyumweru 12.

Kluge yavuze ko abantu bagira ibyo bibazo nyuma yo kurwara Covid 19 bagomba kwitabwaho, asaba abategetsi bafata ibyemezo kuzirikana ingaruka z'igihe kirekire zishobora guturuka kuri ubwo burwayi, mu rwego rwo gukora igenamigambi ry'igihe kirambye ku birebana n'iki cyorezo. Yavuze ko Covid 19 ikomeje gukwirakwira ku mugabane w'Ubulayi, yiganjemo ubwoko bwayo bubiri bwandura cyane kurusha ubundi.

Facebook Forum

XS
SM
MD
LG