Nta murwayi wa COVID-19 usigaye mu bitaro i Wuhan mu Bushinwa aho icyorezo cya virusi ya corona cyatangiriye.
Abarwayi banyuma 12 banduye virusi ya Corona bavurirwaga mu mujyi wa Wuhan, basezerewe ejo ku cyumweru nk’uko komisiyo y’ubuzima mu ntara ya Hubei yabitangaje.
Abarwayi bo muri iyo ntara bari basigaye, bose bari barwariye i Wuhan umurwa mukuru w’iyo ntara, aho icyorezo cyahitanye abantu benshi mu gihugu cy’Ubushinwa. Muri uwo mujyi abantu 3,869 bazize COVID 19. Ni ukuvuga 80 kw’ijana by’abapfuye bose mu gihugu.
Abayobozi baravuga ko ari umunsi winjiye mu mateka. Intara ya Hubei nta murwayi n’umwe ukekwaho virusi ya corona uharangwa. Cyakora abantu 1 728 bahuye n’umuntu wanduye, bakurikiranirwa hafi.
Abarwayi basigaye, bari mu bitaro ahandi mu Bushinwa. Hari 67 barwariye Shanghai na batatu i Beijing.
Imijyi myinshi yabonetsemo abanduye virusi ya corona, bari abantu baturutse hanze, bikaba byaratumye guverinema ihagarika ingendo mpuzamahanga.
Facebook Forum