Uko wahagera

Myanmar: Urukiko Rwategetse ko Umunyamakuru w'Umunyamerika Akomeza Gufungwa


Danny Fenster umunyamakuru w'Umunyamerika yayoboraga urubuga rwa Frontier Myanmar
Danny Fenster umunyamakuru w'Umunyamerika yayoboraga urubuga rwa Frontier Myanmar

Urukiko rwo muri Myanmar rwanze ubusabe bw'umunyamakuru w'Umunyamerika Danny Fenster bwo kuburana ari hanze. Uru rukiko rwongeye ikindi kirego ku byo Fenster umaze amezi atanu afunze yari asanzwe akurikiranyweho.

Yari asanzwe yararezwe gukwirakwiza amakuru y'ibihuha agamije guteza imvururu muri rubanda no kwica itegeko ribuza kwishyira hamwe mu buryo budakurikije amategeko, ashinjwa guhura n'abarwanya ubutegetsi.

Umuwunganira yavuze ko ikirego gishya cyo kwica amategeko yerekeye abinjira n'abasohoka mu gihugu cyongeweho ejo ku wa gatatu.

Uru rukiko rufashe iki cyemezo mu gihe Bill Richardson wahoze ari ambasaderi w'Amerika muri ONU yasuye Myanmar. Uruzinduko rwa Richardson rwari rwatanze icyizere ko ashobora gusaba ko umunyamakuru Danny Fenster yarekurwa dore ko yari asanzwe azwiho kugerageza kubohoza Abanyamerika bafungiwe mu bihugu bitabanye neza n'Amerika.

Facebook Forum

XS
SM
MD
LG