Uko wahagera

Muri Malawi Bazindukiye mu Matora ya Perezida


Abitabiriye amatora ahitwa Mzuzu muri Malawi

Abanyamalawi baramukiye mu matora y'umukuru w'igihugu kuri uyu wa kabiri nyuma y'umwaka urukiko rwo muri icyo gihugu rwanze intsinzi ya Perezida Peter Muthalika ku mpamvu zo kwiba amajwi.

Nkuko byari byitezwe, abaturage bazindutse iya rubika bajya ku mirongo imbere y'ibiro by'amatora. Mu itora ry'uyu munsi, Perezida usanzweho Peter Muthalika ahanganye na Lazarus Chakwera wo mu ishyaka batavuga rumwe. Ubushize, uyu yari yari yatsinzwe amatora bamurushije amajwi 159,000.

Urukiko rurinda ubusugire bw'Itegeko Nshinga rwatangaje ko umukandida uri bwegukane amajwi arenze 50 ku ijana biri butangazwe ko yatsinze. Chifundo Kachale, umukuru w'akanama gashinzwe amatora, mu cyumweru gishize, yijeje rubanda ko azayayobora neza, n'ibizayavamo bikazaba byizewe kandi byemewe n'abayahiganwa mo.

Urukiko rw'Ikirenga rwo muri Malawi, umwaka ushize mu kwa kabiri rwatesheje agaciro amatora yari yabaye rumeze kwemeza ko yaranzwe n'inenge nyinshi. Rwongeye kubyemeza ku rwego rw'ubujurire mu kwa gatanu bityo ibyayavuyemo biraseswa.

Akanama gashinzwe amatora kashyizeho urukarabiro biro by'itora hose kugira ngo bifashe abantu kwirinda ikwirakwira rya virusi ya Corona imaze guhitana abantu 11 muri 700 banduye muri icyo gihugu.

Facebook Forum

XS
SM
MD
LG