Uko wahagera

Muri Malawi Abandura Covid 19 Barenze Ubushobozi bw'Ibitaro


Abakozi b'inzego z'ubuvuzi hanze y'ibitaro byitiriwe Kamuzu byakira abarwayi ba Covid 19 i Lilongwe muri Malawi, taliki 18 z'ukwezi kwa mbere 2021.

Leta ya Malawi irimo gutera amahema imbere y’ibitaro kugira ngo ibashe kwita ku barwayi ba COVID-19 biyongera.

Iki gihugu cyo mu majyepfo y’Afurika gihanganye n’umubare uzamuka w’abarwayi ba COVID-19. Ahahoze urugo rwa perezida na sitade y’igihugu byahinduwe ibitaro hagamijwe gukiza amagara y’abantu.

Perezida Lazarus Chakwera, mu mezi atandatu amaze ku buyobozi, yabuze abaminisitiri babiri bishwe na COVID-19 mu kwezi kwa mbere bitewe n’ubwandu bwiyongeraga, bituma atangaza ko intara zose 28 zigize igihugu ziri mu bihe bikomeye. Chakwera yashyizeho iminsi itatu y’icyunamo kubera itabaruka ry’abo baminisitiri, uwa transiporo n’uwari uw’ubutegetsi bw’igihugu.

Ubwoko bushya bwa virusi ya corona bwandura cyane, bwavuzwe bwa mbere muri Afurika y’epfo, ubu bwamaze kwemezwa muri Malawi. Iki gihugu kibarwamo abantu barenga 23,000 bemejweho COVID-19 na 702 bapfuye kuwa mbere.

Byaba bisa n’aho uwo mubare ari muto mu gihugu kirimo miliyoni 18, ariko abantu 14,000 barwaye barenze kure umubare w’ibitanda byateganyijwe. Abategetsi barimo gushyira amahema aho kuvurira abo barwayi. Bamwe bavurirwa mu busitani bw’ibitaro.

Guverinema yanahaye akazi abakozi bashya bo mu buvuzi 1,128. Baracyaburaho bake ku 1,380 abategetsi bavuga ko bakenewe mu bikorwa by’ubuvuzi.

Facebook Forum

XS
SM
MD
LG