Uko wahagera

Muri Congo Ebola Imaze Guhitana Abarenga 2000


Abakozi b'inzego z'ubuvuzi muri Congo boza ibikoresho byo kwirinda Ebola

Muri Repubulika Iharanira Demokarasi ya Congo, nta kimenyetso kigaragaza ko Ebola yaba igiye kuhacika. Ni umunsi umwe bucya umuyobozi mukuru muri ONU, ajyaga gusura icyo gihugu aho umubare w’abahitanywe n’iyo ndwara iterwa na virusi yandura cyane, umaze kurenga 2,000. Hari n’undi muntu wahitanywe n’iyo ndwara muri Uganda bituranye.

Uherutse guhitanwa n’iyo ndwara aho muri Uganda yari umwana w’umukobwa w’imyaka icyenda wari uvuye muri Congo. Byatumye hongera kuba ubwoba ko virusi ya Ebola ishobora kubona aho imenera ikambuka umupaka wa Repuburika ya Centrafurika aho yabonetse mu kwezi kwa munani kw’umwaka ushize.

Abayobozi bashinzwe ubuzima muri Congo, baraye bavuze ko abantu 2,006 bapfuye. Muri abo 1,901 byaremejwe neza ko bahitanywe na Ebola. Abandi 105 nta wabihamya ijana kw'ijana. Aho ni ukuva mu kwezi kwa munani umwaka ushize wa 2018.

Abategetsi banditse bagira bati: “Kuva icyorezo cyaduka, umubare w’abanduye ni 3,004. Barimo 2,899 bifitiwe gihamya na 105 bikekwa ko yaba ari Ebola. Bongeyeho ko 902 bavuwe bagakira.

Aya makuru atangajwe umunsi umwe mbere y’uko umunyamabanga mukuru wa ONU Antonio Guterres ajya gusura Congo, kwirebera aho urugamba rwo kurwanya Ebola rugeze.

Facebook Forum

XS
SM
MD
LG