Uko wahagera

Mu Misa Yiwe Papa Fransisko Yibutse Impunzi z'Abanyafurika


Papa Fransisko mu misa yiwe na Noweri

Abakristu b’isi yose bagera kuri miliyari ebyili n’igice barizihiza umunsi wa noheli. Abenshi muri bo, barenga miliyari imwe na miliyoni 200, ni Abagatulika. Umushumba wabo, Papa Fransisko, yasomeye misa imbaga y’abantu bari bateraniye ku rubuga rwitiriwe mutagatifu Petero. Nk’uko byabaye umuco, yatanze indamutso bita “Urbi et Orbi” ni ukuvuga indamutso ku “mujyi n’isi.”

Mu nyigisho ye, Papa Fransisko yifuje ko abantu babana kivandimwe hagati yabo, muri buri gihugu, buri muco, na buri dini.

Papa Fransisko yavuze ko “ubudasa bwacu atari ishyano,” ahubwo ko “ari ubukungu.” Ati: “Iyo umunyabugeni agiye gushushanya ishusho, akenera amabara menshi. Ntahitamo rimwe gusa.”

Umushumba w’abagatulika yifuje ko amahoro ataha hagati ya Israeli na Palestina. Yabasabye gusubira mu biganiro, kugirango bashake ukuntu barangiza intambara yabo imaze imyaka irenga 70. Yatangambiye amahanga kugirango afashe Syria kubona igisubizo cya politiki mu ntambara imaze imyaka irenga irindwi muri iki gihugu.

Papa Fransisko yatekereje na Yemen, avuga ko yizeye ko agahenge ko guhagarika imirwano baherutse kumvikanaho karamba, maze abana bajahajwe n’inzara n’intambara baruhuke.

Yavuze kandi no kuri Afrika. Ati: “Ndazirikana abaturage amamiliyoni babaye impunzi imbere no hanze y’ibihugu byabo. Bakeneye ababagoboka no kubona umutekano mu biribwa.” Papa Fransisko yasabye ko intwaro zizima, kugirango “ubuvandimwe bwimakare ku mugabane wose w’Afrika.”

Facebook Forum

XS
SM
MD
LG