Uko wahagera

Malariya Ikomeje Kwiyongera Muri Sudani y’Epfo


Ishami ry’Umuryango w’Abibumbye ryita ku buzima (OMS) riravuga ko mu myaka 10-ishize hirya no hino ku isi ibihugu byashyize imbaraga mu kurwanya indwara ya Malariya n’impfu ziyikomokaho.

Gusa, Umuryango w’Abimbumbye wemeza ko mu bihugu bimwe izi mbaraga zagiye zidohoka: nko muri Sudani y’Epfo aho Malariya iterwa n’imibu ariyo ndwara iri ku isonga mu zihitana abana bari munsi y’imyaka itanu.

Abakozi b’inzego z’ubuvuzi muri Sudani y’Epfo baravuga ko imibare y’abafatwa na Malariya yiyongereye ugereranije n’uko byari bimeze mu myaka yashize.

Uyu mwaka imvura nyinshi n’ubukene bw’ibikorwa remezo byateye ibishanga kuzura, imihanda na za ruhurura birekamo ibiziba, byose bituma imibu itera malariya ibona aho ibyarira.

Mu kigo nderabuzima cy’agace kamwe gusa k’ahitwa Aweil Renk umubare w’abarwayi ba Malariya wavuye kuri 797 mu mwaka usize, ugera ku 1,300 aho uyu mwaka ugeze.

Abakozi b’inzego z’ubuvuzi baravuga ko nubwo bimeze bityo bafite icyizere ko ni haboneka ibikoresho bihagije n’ubushake bwa politike bazashobora guhashya iyi ndwara ikomeje kwiyongera.

Facebook Forum

XS
SM
MD
LG