Muri Kameruni, leta yaciye imyigaragambyo yari iteganyijwe mu murwa mukuru Yaounde mu mpera z’iki cyumweru.
Ibi bije bikurikira imyigaragambyo itemewe na leta yateguwe n’abatavuga rumwe na leta yaviriyemo abantu 200 gufungwa barimo Maurice Kamto, umunyapolitike utavugarumwe n’ubutegetsi.
Kamto, wiyamamarije umwanya w’umukuru w’igihugu mu matora aheruka yafatiwe i Douala kuwa mbere w’iki cyumeru.
Mu itangazo ryatambutse kuri radiyo y’igihugu Jean Claude Tsila uyobora agace kabarizwamo umujyi wa Yaounde yavuze ko icyemezo cyo guhagarika imyigaragambyo bigamije kurinda umutekano wa rubanda no kurengera ibyabo.
Abigaragambya baramagana itorwa rya Perezida Paul Biya w’imyaka 85.
Amakuru dukesha ibiro ntaramakuru by’Abafaransa AFP avuga ko Kamto wari uhanganye na perezida Biya mu matora ashinjwa ibyaha umunani birimo gushishikariza abaturage kwigomeka k’ubutegetsi.
Facebook Forum