Uko wahagera

Koreya y'Epfo Igiye Guhana Abatazokwambara Agafukamunwa


Koreya y'Epfo iratangaza ko igiye gushyiraho ibihano ku bantu bazagenda batambaye agapfukamunwa nyuma yaho kuri uyu wa gatanu yagize umubare munini w'abanduye Virusi ya Corona mu gihe cy'iminsi 70 ishize.

Ikigo cy'igihugu gishinzwe gukumira indwara muri Koreya y'Epfo cyatangaje ko uyu munsi abantu 191 biyongereye ku mubare w'abanduye iyi virusi muri icyo gihugu. Ni wo mubare munini w'abanduye ku minsi uhagaragaye kuva taliki 4 z'ukwezi kwa 9.

Leta yatangaje ko igiye gushyiraho igihano cy'amadolari y'Amerika $90 ku bantu bazagenda mu ruhame cyangwa ahakoranira abantu benshi, batambaye agapfukamunwa. Abafite ibikorwa by'ubucuruzi badashyira mu bikorwa ingamba zo kwambara agapfukamunwa, bo bazajya bacibwa amadolari y'Amerika $2,700

Ikigo gishinzwe gukumira indwara muri Koreya y'Epfo kiravuga ko kuzamuka k'umubare w'abanduye byatewe n'uko abantu bahura hirya no hino mu gihugu bakirengagiza amabwiriza yo kwirinda. Ministri w'Intebe Chung Sye-kyun yabwiye inama y'abaganga bakuru ko biramutse bikomeje uko bimeze, Leta yakongera gukaza ingamba zo gukumira Covid 19.

Mu kwezi gushize, Koreya y'Epfo yari yafunguye amazu y'imyidagaduro, utubari n'inzu zifungurirwamo, yemerera n'ibikorwa by'imikino gusubukura kugeza ku rugero rwa 30 ku ijana.

Facebook Forum

XS
SM
MD
LG