Isirayeli yizeye ko izogirana imigenderanire n'igihugu kigira 5 c'abayislamu imbere y’uko perezida wa Reta zunze ubumwe za Amerika, Donald Trump arangiza amabanga yiwe
Ico gihugu kigira gatanu gishobora kuba ari ico muri Aziya. Iyo nkuru yatangajwe uno musi ku wa gatatu n’umushikirangaji wa Isirayeli ajejwe imigenderanire n’ugufashanya mu karere ko mu buseruko bwo hagati y’isi, Ofir Akunis.
Reta ya Perezida Trump yarahagarikiye amasezerano y’imigenderanire hagati ya Isirayeli n’ibihugu vya Emira zunze ubumwe z’abarabu, Bahrain, Sudani na Maroke uyu mwaka. Igihugu ca Maroke carakiye intumwa ziserukira Isirayeli na Amerika ku musi wa kabiri.
Abajijwe niba igihugu kigira 5 gishobora gutera igikumu ku masezerano y’imigenderanire n’igihugu ciwe imbere y’uko Perezida Trump arangiza amabanga, Ofir Akunis yabwiye televiziyo yo muri Isirayeli, Ynet TV, ko bariko bakora muri iyo nzira.
Abategetsi ba Reta ya Israyeli bavuga ko bariko bakora ibishobotse vyose kugira ngo ibindi bihugu biyemere, canke bikomeze imigenderanire vyari bifitaniye naco.
Facebook Forum