Uko wahagera

Isiraheli Yirukanye Umukozi Mukuru wa Human Rights Watch


Omar Shakir

Tel Aviv irirukana umuyobozi wo mu rwego rwo hejuru w’umuryango urengera uburenganzira bwa muntu Human Rights Watch, biturutse ku bivugwa ko yashyigikiye abashaka ko Israheli ifatirwa ibihano mu by’ubukungu.

Abo bari muri muvoma, impirimbanyi zikoreramo mu kwamagana uburyo Abanyepalestina bafashwe. Urukiko rw’ikirenga rwa Isiraheli rwubahirije icyemezo cya guverirnema rutegeka ko Omar Shakir, umuyobozi wa Human Rights Watch muri Israheli na Palestina, ava mu gihugu kuri uyu wa mbere.

Isiraheli yangiye abandi kwinjira mu gihugu, ivuga ko bashyigikiye iyo muvoma. Barimo abadipolomate ba ONU. Cyakora ni ubwa mbere, umuntu uri imbere mu gihugu, ahambirijwe.

Umuyobozi mpuzabikorwa wa Human Rights Watch, Kenneth Roth, yavuze ko atekereza ko ari ubwa mbere demokarasi ijugunye hanze y’igihugu umushakashatsi.

Shakir yavuze ko Human Rights Watch nta mwanya ifite mu buyobozi bw’abamagana Isiraheli kandi ko atigeze avugira ahabona ko abashyigikiye nk’umuyobozi w’uwo muryango. Ariko yavuze ko Human Rights Watch, yemera uburenganzira bw’umuntu bwo kuvuga icyo ashaka. Harimo n’uburenganzira bwo kuvuga ashyigira abamagana ibyo babona bigenda nabi.

Abategetsi ba Isiraheli bumvikanishije ibyo bavuga ko ari amagambo Shakir yavuze mbere yo kujya mu muryango Human Rights Watch. Isiraheli yemeje itegeko mu 2017 rituma uwo ari we wese uvugiye ahabona, ashobora kwirukanwa mu gihugu.

Abahagurukiye kwamagana Isiraheli, barakora ibishoboka ngo ibijyanye n’ubukungu bw’icyo gihugu muri rusange bihinduke. Bavuga ko ibyo muvoma nk’iyo yakoze muri Afurika y’Epfo mu myaka ya za 80, byokeje igitutu guverinema, ikuraho imiyoborere yayo ya gashakabuhake.

Facebook Forum

XS
SM
MD
LG