Ishuli ry’ubuganga ryitwa London School of Hygiene and Tropical Medicine ryo mu Bwongereza ryatangaje icyegeranyo kivuga ko abantu barenga ibihumbi 380 bahitanywe n’intambara n’inkurikizi zayo muri Sudani y’Epfo guhera mu kwezi kwa 12 mu 2013.
Iri shuli risobanura ko iyi mibare iruta kure iyo abashakashatsi bakekaga. Intambara ya Sudani y’Epfo yatumye kandi abantu barenga miliyoni enye baba impunzi, mu gihugu imbere no mu bihugu by’abaturanyi.
Hashize ibyumweru bibili Perezida Salva Kiir n’umukuru w’inyeshyamba Riek Machar bashyize umukono ku masezerano y’amahoro bemeza ko azarangiza iyi ntambara burundu.
Umuhango wabereye Addis Abeba imbere ya minisitiri w’intebe wa Ethiopia, Abiy Ahmed. n’abakuru b’ibihugu bya Uganda na Sudani.
Facebook Forum