Abashikiranganji bajejwe imigenderanire mu bihugu bigize ishirahamwe rya Bulaya hamwe n'abagize Ubumwe bwa Afrika, ku musi wa kabiri w'ino ndwi barasozereye ibikorwa vyabo mu nama yabereye i Kigali, mu Rwanda. Abo bategetsi bararabiye hamwe ibibazo bitari bike bihanze iyo migabane uko ari ibiri, birimwo ikiza ca Covid-19, amahoro n'umutekano, ikibazo c'abimukira, ubudandaji, ugufashanya hamwe n'ibindi.
Mbega ingoga n'ugushaka kw'abategetsi vyibonekeje muri iyo nama bifise iyihe nsiguro? Umumenyeshamakuru w'Ijwi ry'Amerika, Frederic Nkundikije yabibajije Ambasaderi Fred Ngoga Gateretse, Umuhanuzi mukuru wa Commissaire ajejwe ibibazo vy'amahoro, umutekano na politike mw'ishirahamwe ry'ubumwe bwa Afrika. Ambasaderi Ngoga Gateretse nawe yaritabiriye iyo nama.
Facebook Forum