Uko wahagera

Ingabo za Tigreya Zishe Abasivili 120 mu Majyaruguru ya Etiyopiya


Abaturage bo mu ntara ya Amhara iri mu majyaruguru ya Etiyopiya bakuwe mu byabo n'intambara.

Abayobozi bo mu karere ka Amhara mu majyaruguru ya Etiyopiya batangarije ibiro ntaramakuru byo mu Bwongereza, Reuters uyu munsi kuwa gatatu ko abasilikare barwanya ubutegetsi bo mu ntara ya Tigreya bishe abo basivili 120 mu minsi ibiri mu mudugudu umwe w’intara y’Amhara.

Abo bategetsi bavuga ko ubwo bwicanyi bwabereye mu mudugudu uri mu bilometero 10 uvuye mu mujyi wa Dabat kw’italiki ya mbere n’iya kabiri z’uku kwezi kwa cyenda. Umuyobozi wa Dabat, Sewnet Wubalem, yabwiye Reuters kuri telefone ati: “kugeza ubu dufite imirambo 120. Yose ni iy’inzirakarengane z’abahinzi. Ariko dukeka ko umubare ushobora kuba uri hejuru. Hari abantu batari bamenyerwa irengero”.

Umuvugizi w’ingabo za Tigreya ntacyo yahise asubiza ubwo yari abajijwe kugira icyo atangaza.

Intambara yadutse mu mezi icumi ashize hagati y’ingabo z’igihugu cya Etiyopiya n’ingabo zishyikiye ishyaka rya Tigray People’s Liberation Front (TPLF) ringenzura intara ya Tigreya.

Abantu ibihumbi barishwe abandi barenga miliyoni ebyiri bateshwa ingo zabo. Mu kwezi kwa karindwi, imirwano yo mu ntara ya Tigreya yakwiriye mu ntara bituranye za Amhara na Afar. Aho naho ni mu majyaruguru y’igihugu cya Etiyopiya. (Reuters)

Facebook Forum

XS
SM
MD
LG