Ibikorwa vyo kurondera aboba bahitanywe n'urubarafu rwomotse ku musozi mureremure wa Himalaya ejo kuwa Mungu mu Buhindi birabandanya. Abategetsi bo muri Reta ya Uttarakhand yabereyemwo iryo sanganya bavuze ko bamaze gutora ibiziga 18 gusa. Hari ubwoba yamara ko abagera ku 165 atawuzi irengero ryabo nabo boba bari mu bahitanywe n’urwo rubarafu.
Umurwi ujejwe gutabara uriko kandi uragerageza kurokora abakozi 37 bakora mu gisata c’umuyagankuba baheze mu runogo, inyuma yaho urwo rubarafu rusenyukiye ahari ingomero zibiri z’umuyagankuba.
Ingomero zononywe n’ibihomoke vy’urubarafu rw’umusozi wa Himalaya ziri ku nzuzi zitwa Alaknanda naDhauli Ganga. Izo nzuzi zose ziza guhurira mu rundi rwitwa Ganges rwarengewe n’amazi, bituma abanyagihugu bose baba mu micungararo yarwo bimurwa.
Abahinga mu vyo gukingira ibidukikije basiguyeko uguhomoka k’urwo rubarafu rwo kumusozi munini wa Himalaya rwatewe n’ubushuhe bwinshi buvuye kw’ihindagurika ry’ibihe.
Facebook Forum