Imyuzure yaburijemo ibikorwa by’ikingira rya COVID-19 muri Ostraliya, mu gihe abantu ibihumbi n’ibihumbi yabakuye mu byabo. Abashinzwe ubutabazi mu burazirazuba bwa Ostraliya bitabye abantu ibihumbi n’ibihumbi babahamagaye babasaba kubafasha. Imvura nyinshi yaguye ubudahita muri utwo turere.
Bwa mbere mu myaka myinshi, urugomero runini rw’i Sydney rwararengewe, bituma ibice by’uwo mujyi bihura n’imyuzure. Abategetsi baravuga ko mu majyaruguru ya Sydney, abahatuye ibihumbi babwiwe kuva mu ngo zabo.
Abarengera ibidukikije bashyira isano hagati y’imvura nyinshi igwa mu burasirazuba bwa Ostraliya n’ihindagurika ry’ibihe, n’itwikwa ry’amakara, ibitoro na gazi. Ibihe bidasanzwe byaburijemo gahunda yo gukingira abaturage COVID-19. Abanya-Ostraliya barenga miliyoni esheshatu, bashobora guhabwa urwo rukingo mu cyiciro gitaha.
Facebook Forum