Uko wahagera

Impirimbanyi Zisaba Tanzaniya Gutanga Inkingo za COVID-19


Samia Suluhu Hassan ni prezida wa Tanzaniya

Impirimbanyi zirahamagarira guverinema ya Tanzaniya gutangira gutanga inkingo za COVID-19. Perezida wa Zanzibar, intara ifite ubwigenge bucagase, yavuze ko guverinema mu bihe bya vuba, izatumiza inkingo za COVID-19. Ibi bitandukanye na guverinema y’igihugu cya Tanzaniya, kugeza ubu itari yemera urukingo na rumwe rwa COVID-19. Amashyaka atavuga rumwe n’ubutegetsi yahamagariye guverinema kureka inkingo zigatangira gutangwa.

Perezida wa Zanzibar, Hussein Mwinyi, kuwa gatandatu yavuze ko azareka inkingo za COVID-19 zigatangira gutangwa, kandi ko ntawe uzahatirwa kurufata igihe yaba atabishaka. Perezida wa Zanzibar avuga ko badakwiye kumva abantu bavuga ko bafashe urukingo bashobora gupfa.

John Magufuli wahoze ari Perezida wa Tanzaniya, witabye Imana mu kwezi kwa gatatu, yahakanye COVID-19 mu gihugu kandi yanga inkingo avuga ko zitaremezwa kandi ko bifite ingaruka.

Perezida mushya, Samia Hassan, yemera ko iyi ndwara iriho kandi yavuze ko arimo gusuzuma uko inkingo zatumizwa hanze. Cyakora ibyumweru byarahise, nta kimenyetso cyerekana ko inkingo zirimo kwinjira mu gihugu cyangwa ko zirimo gutangwa muri Tanzaniya. Impirimbanyi z’uburenganzira bwa muntu nka Deogratias Mahinyila, zivuga ko igihe kigeze ngo guverinema ikurikize urugero rw’amahanga mu kurwanya ubwandu bwa virusi ya corona.

Mahinyila avuga ko ibibera mu kirwa cya Zanzibar byanagombye gukorwa mu gihugu cyose cya Tanzaniya vuba na bwangu kandi bigakorwa mu buryo bwihuse. Bamwe mu baturage bavuga ko inkingo zizagabanya ubwoba bwo kwandura.

Nyuma y’umwaka urenga icyorezo gitangiye, Tanzaniya nta mibare yari yatangaza mu birebana n’abarwayi ba COVID-19 cyangwa abahitanywe n’iyi ndwara.

Facebook Forum

XS
SM
MD
LG