Uko wahagera

Igitero Cahitanye Babiri muri Afuganisitani


Muri Afuganistani, imodoka itezemo ibisasu uyu munsi yaturikiye ku bitaro barimo bubaka iruhande cyane rw’ikigo kinini cya gisilikali cy’ingabo za Leta zunze ubumwe z’Amerika cyitwa Bagram, mu majyaruguru y’umurwa mukuru Kabul. Abantu barindwi bafite imbunda bahise nabo barasa iyo modoka ikimara guturika.

Nk’uko minisiteri y’ubutegetsi bw’igihugu y’Afghanistani yabitangaje, abenegihugu b’abasivili baguye muri iki gitero. Abandi 80 bakomeretse. Abarashe barindwi nabo bishwe, nk’uko iyi minisiteri ibyemeza. Abatalibani batangaje ko ari bo bagabye iki gitero.

Minisitiri w’ububanyi n’amahanga wa Leta zunze ubumwe z’Amerika, Mike Pompeo, mu kiganiro yarimo agirana n’abanyamakuru hano i Washington, yamaganye iki gitero “yivuye inyuma.”

Umutwe w’ingabo mpuzamahanga muri Afghanistani watangaje ko “nta Munyamerika cyangwa undi muntu wo muri izi ngabo wagize icyo aba muri iki gitero.” Nyamara minisiteri y’ingabo z’igihugu cya Georgia yatangaje ko abasilikali bayo batanu bakomerekeye gato muri iki gitero, ku buryo badakeneye kujya mu bitaro.”

Iki gitero kibaye mu gihe Abanyamerika n’Abatalibani bamaze gusubukura imishyirano y’amahoro i Doha mu gihugu cya Qatar.

Facebook Forum

XS
SM
MD
LG