Uko wahagera

Guinea:Imyigaragambyo y'Abadashigikiye ko Conde Aguma ku Butegetsi


Polisi mu gihugu cya Guinea yahanganye n’abaturage badashyigikiye ko itegeko nshinga ryahindurwa kugirango umukuru w'igihugu Alpha Conde agume ku butegetsi nyuma ya manda ye ya kabili.

Polisi yakoresheje ibyuka biryana mu maso kugira ngo itatanye abaturage bari mu myigaragambyo mu mujyi wa Cosa utuwe n’igice kinini cy’abatavugarumwe n’ubutegetsi bwa perezida Conde.

Iyo myigaragambyo yo kwamagana ihindurwa ry’itegeko nshinga, yahamagajwe n’ihuriro ya za sendika z’abakozi, amashyaka atavuga rumwe na leta n’imiryango itegamiye kuri leta.

Perezida Conde w’imyaka 81, yagiye ku butegetsi mu mwaka wa 2010. Arashinjwa kwibasira abatavuga rumwe nawe.

Mu kwezi gushize ubwo yahamagariraga abaturage kwitegura kamarampaka n’amatora, hari benshi babifashe nk’aho ateganya guhindura itegeko nshinga kugira ngo azashobore kwiyamamariza manda ya gatatu. Amatora y’umukuru w’igihugu muri Guinea ateganyijwe umwaka utaha.

Kuva aho abaturage batangije imyigaragambyo, abagera kuri 20 bamaze gutabwa muri yombi.

Facebook Forum

XS
SM
MD
LG