Uko wahagera

Etiyopiya: Abarenga 35 000 Bahungiye Imirwano Muri Sudani


Impunzi z'Abanyetiyopiya zahunze intambara yo mu ntara ya Tigre. Aha bari ku mupaka wa Sudani bategereje ishami ry'Umuryango w'Abibumbye ryita ku mpunzi (HCR). Hari taliki ya 20/11/2020

Igisilikare cya Etiyopiya kiraburira abasivili bo mu ntara y’umurwa mukuru wa Tigre ko nta “mbabazi” bazagirirwa igihe “batakiza amagara yabo” mbere y’uko haba icyiciro cya nyuma cyo guhashya abayobozi b’intara bigometse. Umuryango Human Right, wavuze ko byaba ari ukurenga kw’itegeko mpuzamahanga.

ONU, igereganya ko abantu barenga 35 000 bahunze imirwano mu ntara ya Tigre muri Etiyopiya bambutse muri Sudani aho abaturage bahasanze hamwe n’abatanga infashanyo batorohewe mu kubagaburira.

Abantu ibihumbi amagana, muri Burukina Faso ntibabashije gutora ejo ku cyumweru mw’itora rusange kubera ibibazo by’umutekano. Abategetsi babivuze mu gihe icyo gihugu cyibasiwe n’ibitero byiyongera by’inyeshyamba za kiyisilamu.

Abantu barenga 18 000 bahunze ubukene, imirwano, ubushomeri n’ibindi bibazo byo mu burengerazuba bw’Afurika, bageze mu birwa bya Canary bya Esipanye uyu mwaka. Biyongereye 1,000 kw’ijana ku bahageze mu gihe kimwe mu 2019.

Naho perezida w’ishyirahamwe ry’umupira w’amaguru muri Afurika, CAF, Ahmad Ahmad yaciwe na FIFA mu mupira w’amaguru, igihe cy’imyaka itanu, nyuma yo kumukoraho amaperereza ku myitwarire.

Facebook Forum

XS
SM
MD
LG