Abanyagihugu n'imiburiburi 50 baraye baguye mu bitero vyagabwe n'abitwaje ibirwanisho mu buraruko bushira ubuseruko bwa Republika ya Demokarasi ya Kongo.
Abahinga bahurikiye mu mugambi witwa Baromètre sécuritaire du Kivu bavuze ko 28 muri abo basivile biciwe ahitwa i Boga, 22 nabo bicirwa i Tchabi muri teritware ya Irumu iri muri Ituri.
Abo bahinga bavuze ko abitwaje ibirwanisho babanje gutera ikambi yegeranijwemwo abataye izabo iri ahitwa Rubingo hegeranye n’aho i Boga.
Amashirahamwe yigenga ari ku rubuga aho vyabereye yegetse ibi bitero ku barwanyi barwanya ubutegetsi bwa Uganda, ADF. Uyu murwi nturemeza canke ngo uhakane ko ari wo wishe abo banyagihugu.
Facebook Forum