Uko wahagera

DRC: Abarwanyi ba CODECO Bishe Abantu 12 bo mu Ntara ya Ituri


Ikarata y'ahaherereye IturI

Muri Repubulika ya Demokarasi ya Congo, inyeshyamba z'umutwe witwa Codeco zahitanye abantu 12 mu ntara ya Ituri, mu majyaruguru y'uburasirazuba bw'igihugu.

Nk'uko umuvugizi w'ingabo za Congo mu ntara ya Ituri, Lieutenant Jules Ngongo, yabibwiye ikigo ntaramakuru Reuters cyo mu Bwongereza, Codeco yateye inkambi y'abavuye mu byabo kubera umutekano muke ahitwa Drodro.

Avuga ko abantu 12 bishwe ari abana batandatu, abagore babiri, n'abagabo bane. Naho umushinga witwa "Baromètre Sécuritaire du Kivu" mu Gifaransa cyangwa "Kivu Security Tracker" mu Cyongereza, ukorana n'umuryango mpuzamahanga uharanira uburenganzira bwa muntu, Human Rights watch, wo watangaje ko wabaruye imirambo y'abantu bishwe 107, i Drodro no mu nkengero zaho.

Codeco bisobanura Coopérative pour le Développement du Congo. Ariko ntaho ihuriye n'iterambere, ahubwo ni umutwe w'inyeshyamba. Ugizwe ahanini n'abarwanyi bo mu bwako bw'Abalendu.

Hagati y'umwaka w'1999 n'uw'2007, Abalendu n'Abahema barwanye intambara y'amoko ya mbere mbi mu mateka ya Ituri, ihitana abantu bagera ku 50.000.

Facebook Forum

XS
SM
MD
LG