Uko wahagera

COVID19: Kurondera Urucanco Bisa nk'Isiganwa Ritagaragaza Intsinzi


Abahinga b'Abashakashatsi b'Abashinwa bariko barondera urukingo rwa Corona.

Gushakisha urukingo rwa virusi ya Corona bimeze nk'isiganwa ritagaragaza intsinzi. Kugeza ubu, abashakashatsi barenga ijana, n'amatsinda yabo abafasha bayoboye, barageragereza ku bantu babyishakiye inkingo zitandukanye zirenga icumi, cyane cyane mu Bushinwa, muri Leta zunze ubumwe z'Amerika, no mu Bulayi.

Dr. Andrew Pollard uyoboye ubushakashatsi bw'urukingo muri kaminuza ya Oxford mu Bwongereza yabwiye ikigo ntaramakuru Associated Press, ati: "Wakeka ko turimo turabyigana, cyangwa ko turi mu irushanwa cyangwa se isiganwa. Nyamara si byo. Ahubwo ikidushishikaje twese abashakashatsi ku isi, ni uko ahubwo tubona abantu benshi bishoboka babyinjiramo. Kuko isiganwa turimo ni iry'iki cyorezo natwe gusa. Ntabwo ari hagati yacu."

Gusa kugeza ubu, nta rukingo na rumwe rurarenga igeragezwa kuko nta na rumwe rurerekana ko rushobora kwemerwa no gukoreshwa. Dr. Anthony Fauci, umuyobozi w'ikigo cy'igihugu gishinzwe kurwanya indwara zandura muri Leta zunze ubumwe z'Amerika, yemeza ko byose bigenze neza, urukingo rwa virusi ya Corona rwaboneka neza mu mezi kuva kuri 12 kugera kuri 18 ari imbere, ni ukuvuga hagati y'umwaka n'umwaka n'igice.

Naho ku birebana n'umuti, hano muri Leta zunze ubumwe z'Amerika. ikigo cy'igihugu gisinzwe ubuziranenge bw'ibiribwa n'imiti, cyemeje kuwa gatanu ushize ko umuti witwa remdesivir utangira gukoreshwa byihutirwa mu bitaro ku bantu barembye.

Facebook Forum

XS
SM
MD
LG