Isirayeli iraburira abagenzi bajya muri Leta zunze ubumwe z’Amerika ibasaba kwitwararika kubera impungenge ifite kuri COVID-19.
Icyo gihugu cyavuze ko gishobora gukaza ingamba zacyo mu bijyanye n'akato ku bagenzi mu rwego rwo kugabanya ikwirakwira rya virusi ya corona, y’ ubwoko Delta.
Abantu bashya barwaye COVID-19 babonetse mu bantu bakingiwe kuva hadutse ubwo bwoko Delta, bwandura cyane, bituma abategetsi bashinzwe ubuzima muri iki cyumweru, batangira gutanga urukingo rwo kwongerera ubwirinzi abantu barengeje imyaka 60 y’amavuko.
Batangiye no gushyira mu kato abagenzi basubiye mu gihugu, harimo n’abo bahawe inkingo cyangwa abakirutse nyuma yo gusanganwa virusi ya corona, bo mu bihugu byitwa ko “bitukura” bigaragaza ubwandu bw’iyo ndwarwa bwihuta.
Kuri uyu wa kabiri, minisitiri w’ubuzima wa Isiraheli yavuze ko ashobora kwongera ibihugu 18 ku rutonde rw'ibigombwa kwirindwa harimo Leta zunze ubumwe z’Amerika, Ubufaransa, Ubutaliyani, Icelande, Ubugereki n’ibindi.
Yavuze ko guhera kw’italiki ya 11 y’uku kwezi, bizaba itegeko kujya mu kato byuzuye, ku bantu bo mu byiciro byose, n’iyo baba barakingiwe cyangwa barakize. Yongeyeho ko ibihugu 18 birimo kuburirwa, biturukamo abagenzi benshi.
Ubwoko Delta bwatumye hongera kuboneka abantu banduye mu mpande zose z’Amerika. Leta ya Florida n’iya Louisiana, ejo kuwa mbere byarimo umubare munini kurusha ahandi w’abantu binjijwe ibitaro kubera icyorezo cya virusi ya corona.
Facebook Forum