Uko wahagera

COVID-19 Iriyongera Cyane muri Ostraliya, Ubuhindi n'Ubuyapani


Gupima covid-19 birakorerwa ku mihanda mu mujyi rwagati

Ministri w'Intebe wa Ostraliya Scott Morrison yatangaje ko amadolari arenga Miliyari imwe azakoreshwa nk'inyunganizi yo kwishyura imishahara y'abakozi batakigira akazi, anndi arenga Miliyoni 400 agakoreshwa muri gahunda yo kwiga ubumenyi-ngiro buzakenerwa nyuma y'ikiza cya Covid-19. Umubare w'abamaze kwandura Virusi ya Corona muri Australia ubu urakabakaba 11,000 mu gihe imaze guhitana 113 muri bo.

Mu Buyapani ho guverineri Yuriko Koike w'umujyi wa Tokyo yavuze kuri uyu wa kane ko mu gihe cy'amasaha 24 ashize abantu bagera kuri 280 banduye virusi ya Corona. Niwo mubare w'abantu benshi wanduye mu murwa mukuru w'Ubuyapani mu gihe cy'umunsi umwe kuva icyo kiza cyaduka.

Mu Buhinde ho abanduye barakabakaba Miliyoni imwe ubariyemo 32 700 banduye mu masaha 24 ashize. Muri abo, abagera ku 24 000 bahitanywe na Covid-19. Muri Afurika y'Epfo abagera ku 4453 bahitanywe na yo mu gihe habarurwa 311000 bayanduye. Muri Kenya abakozi b'inzego z'ubuvuzi 450 baranduye mu ivuriro ryakira ababyeyi batwite, 4 muri bo barapfa.

Umubare w'abanduye ku isi ugeze kuri Miliyoni 13.5 mu gihe abamaze guhitanwa na yo bagera ku 580 000. Ibyo byatumye bimwe mu bihugu ubwandu bukomeje kwiyongera mo bivugurura ingamba zo gukumira ubwandu bushya. Ubugiriki burasaba ubwinjiramo wese kugaragaza impapuro ko yapimwe virusi ya Corona mu gihe kitarenze amasaha 72. Rumaniya yongereye amasaha ya 'guma mu rugo' indi minsi 30. Isirayeli iravuga ko igiye gushyiraho gahunda nk'iyo kumara igihe kitazwi. Perezida wa Bresil wari umaze igihe akerensa uburwayi bwa Covid 19 ko ari uducurane dusanzwe, ejo yongeye gutangaza ko agifite ubwandu bwa virusi ya Corona nkuko byari byatangajwe mu cyumweru gishize.

Facebook Forum

XS
SM
MD
LG