Uko wahagera

COVID 19 Imaze Guhomvya u Rwanda Miliyoni Eshanu z’Amadorali


Hamwe mu hari ibikoresho vyo kwirinda ikiza ca Corona mu Rwanda

Leta y’u Rwanda iravuga ko imaze guhomba miliyoni eshanu z’amadorali, ni kuvuga agera kuri miliyari 5 mu mafaranga y’u Rwanda, kubera inama nyinshi zagombaga kubera mu Rwanda zahagaritswe bitewe na virusi ya Corona.

Ministeri y’ubucuruzi isobanura ko ico cyorezo kimaze kuyogoza isi cyateye ihungabana mu bukungu bw'u Rwanda. Minisitiri Hakuziyaremye Soraya ushinzwe ubwo bushikiranganji asobanura ko Leta imaze guhagarika inama zigera kuri 6 zagombaga kubera mu gihugu zikaba zarakuruye igihombo.

Iki gihombo Leta ivuga ko yagize, ni nacyo kivugwa ku bacuruzi bajyaga barangurira ibicuruzwa byabo hanze y’u Rwanda. Abo bacuruzi bagiye kumara amezi asaga 3 batarangura cyane cyane abaranguriraga mu Bushinwa.

Leta ivuga ko kubera igihombo gikomeje kugaragara haba ku bacuruzi ndetse no ku gihugu muri rusange, igiye gukorera ubuvugizi abacuruzi bafite imyenda ya banki n’abishyura imisoro bashobora guhomba kubera Coronavirus.

Minisiteri w’Ubucuruzi n’inganda ashimangira ko Ministeri ayobora igiye gukorana n’inzego zirebwa n’iki kibazo, hakigwa uburyo abantu bishyura imisoro kimwe n’abafite imyenda muri banki bafashwa kuko bashobora kubura ubwishyu kubera ibura ry’abakiliya riturutse ku ifungwa ry’ibikorwa mu gukumira Coronavirus.

U Rwanda rwakajije ingamba mu gukumira ko virusi ya Corona imaze kuyogoza isi ndetse kikaba cyarageze no mu gihugu imbere, aho Ministeri y’ubuzima, imaze gutangaza abantu bagera kuri 5 bamaze kwandura iyo Virusi.

Facebook Forum

XS
SM
MD
LG