Uko wahagera

Covid-19: Bill Gates Avuga ko Ibintu Bizosubira mu Buryo mu 2022


Bill Gates
Bill Gates

Bill Gates avuga ko kw’isi, ibintu byagombye kuba byasubiye mu buryo bitarenze impera z’umwaka utaha wa 2022 biturutse ku nkingo. Bill Gates yashimye uruhare rw’inkingo za COVID-19 ishobora gusubiza ibintu mu buryo mbere y’uko umwaka wa 2022 urangira. Yabitangarije mu kiganiro yagiranye n’ikinyamakuru Gazeta Wyborcza cya Polonye na Televisiyo TVN24.

Gates wafatanyije gushinga isosiyeti Microsoft, yagize ati: “Aka ni akaga gakomeye”. Yongeraho ko inkuru nziza gusa ari uko inkingo zabashije kuboneka. Ku buryo afite icyizere ko zizaba zatanze umusaruro mbere y’uko umwaka wa 2022 urangira.

Umuherwe Gates, watanze umwanya w’ubuyobozi bw’isosiyeti Microsoft mu mwaka wa 2014, abinyujije mu kigega “Bill and Melinda Gates Foundation”, yiyemeje kuzatanga byibura miliyari 1 na miliyoni 750 z’amadolari yo gufasha guhanga n’icyorezo cya COVID-19 kw’isi. Ayo akubiyemo inkunga ku masosiyeti amwe akora inkingo, apima n’ashobora kuzavura iyi ndwara.

Umugambi COVAX ushyigikiwe n’ishami rya ONU ryita ku buzima OMS n’urugaga rushinzwe inkingo kw’isi, GAVI. Byombi bigamije kubonera miliyari ebyiri z’inkingo za COVID-19 ibihugu bikiri mu nzira y’amajyambere mbere y’impera z’uyu mwaka wa 2021.

Facebook Forum

XS
SM
MD
LG