Uko wahagera

Cadi Yagiriza Abasirikare ba Centrafurika Ivyaha vyo mu Ntambara


Bamwe mu basirikare ba Tchad

Cadi irarega abasilikare ba Repuburika ya Centrafurika, ibyaha byo mu ntambara. Minisitiri w’ingabo wa Cadi ejo ku cyumweru yavuze ko ingabo z’igihugu gituranyi cya Centrafurika zagabye igitero ku basilikare ba Cadi, hapfa umwe, kandi zishimuta abandi batanu zirabica. Ni ibikorwa bibarwa mu byaha by’intambara.

Nk’uko ibiro ntaramakuru Reuters dukesha iyi nkuru bibivuga, abagabye igitero, mu masaha y’ejo mu gitondo cya kare ku cyumweru, bari bafite ibitwaro bikomeye. Bateye abasilikare 12 bari mu kazi mu bilometero 1,000 uvuye ku mupaka wa Repuburika ya Centrafurika nk’uko bivugwa mw’itangazo rya minisitiri w’ingabo wa Cadi.

Ambasade ya Cadi mu murwa mukuru wa Centrafurika Bangui, yavuze ko yabwiwe n’umukuru wa polisi kujya gutwara imirambo itanu y’abasilikare bishwe n’ingabo za Centrafurika.

Ivuga ko iki ari icyaha ndengakamere cy’urugomo, kikaba kandi igitero cyatekerejweho, cyateguwe kandi kigashyirwa mu bikorwa muri Cadi… bikaba bitagomba kurangirira aho, abagikoze batagihaniwe.

Ntacyo Centrafurika yahise itangaza ku bivugwa, byatijwe umurindi n’umutekano muke uhari kuva mu 2013, ubwo inyeshyamba zakuraga ku butegetsi Francois Bozize wari Perezida.

Cadi ni yo ifite ingabo nyinshi mu karere. Yigeze kugira uruhare runini mu bikorwa by’Afurika byo kugarura amahoro muri Centrafurika. Cyakora mu mwaka wa 2014 yaje kuhakura ingabo zayo. Icyo gihe ingabo za Cadi, zaregwaga na benshi muri Centrafurika, kuba ahanini ku ruhande rw’abarwanyi b’umutwe w’Abayisilamu Seleka.

Facebook Forum

XS
SM
MD
LG