Canada Izatanga Inkingo za Covid 19 mu Bihugu by'Afurika

Canada igiye guha ibihugu bitatu by’Afurika, inkingo za COVID-19 zirenga miliyoni imwe n’ibihumbi 300 zakozwe n'ikigo cya AstraZeneca (AZN.L).

Ni mu mugambi rusange wo gusangira inkingo, COVAX. Byatangajwe uyu munsi kuwa kane na GAVI, Urugaga rusange mu bijyanye n’inkingo n’ikingira.

Ibihugu bya Nijeriya, Kenya na Nijeri, birakira iza mbere muri izo nkingo za COVID-19, kuri uyu wa kane, nk’uko urugaga GAVI (the Global Alliance for Vaccines and Immunization) rubivuga.

Umugambi COVAX ushyigikiwe n’ishami rya ONU ryita ku Buzima, OMS hamwe n’urugaga GAVI, bifite intego yo kubona doze miliyari ebyiri z’ikingo ku bihugu bikennye, bitarenze impera z’uyu mwaka wa 2021.