Uko wahagera

Burundi: Bamburiwe n’Abayobozi i Makamba Bavuye Gukora muri Tanzaniya


Pierre Nkurikiye

Polise mu Burundi yafashe 12 barimo n’abayobozi mu ntara, bashinjwa kwiba abanyagihugu bava gukora muri Tanzaniya.

Batawe muri yombi mu ntara ya Makamba mu majyepfo y’igihugu, iminsi ibiri nyuma y’uko minisitiri w’umutekano Gervais Ndirakobuca aburiye polisi n’abayobozi b’intara ko hari ibikorwa by’ubujura n’ibindi bya ruswa birimo kuba.

Umuvugizi wa Polisi, Pierre Nkurikiye yavuze ko hafashwe abantu 12 barimo abayobozi batatu, bacuje abaturage bakanabambura amafaranga bavuye muri Tanzaniya.

Avugira kuri televiziyo ya Leta yagize ati: “Babambuye ibyabo n’amafaranga. Ababashije kubikira, batanze amafaranga menshi bikabije y’urugendo kugira ngo bagere iwabo”.

Perezida w’Uburundi, Evariste Ndayishimiye, arahirira ubuyobozi, yijeje ubumwe bw’igihugu no kwubahiriza uburenganzira bw’abaturage.

Imiryango iharanira uburenganzira bwa muntu, yakunze kurega abayobozi mu ntara, na serivise z’umutekano hamwe n’urubyiruko rw’ishyaka riri ku butegetsi, iyicarubozo, gufata ku ngufu n’ubwicanyi bwibasira abanyepolitiki. Ibyo birego, guverinema yarabihakanye.

Facebook Forum

XS
SM
MD
LG