Uko wahagera

Bizos Yabaye Incuti Magara na Avoka wa Mandela Yitavye Imana


Umuny'Afrika y'Epfo w'Umuzungu George Bizos yitabye imana. Yabaye inshuti magara n'avoka wa Nelson Mandela igihe kirekire, by'umwihariko mu rubanza rwiswe urwa Rivonia, Mandela na bagenzi be bakatiwemo gufungwa burundu. Yaburaniye n'indi miryango y'Abirabura benshi bo muri ANC, barimo Steve Biko na Chris Hani.

George Bizos yimukiye muri Afrika y'Epfo, we n'ababyeyi be, mu 1940. Yari afite imyaka 13. Bari bahunze igihugu cyabo cy'Ubugereki bwari bumaze kwigarurirwa n'aba-Nazi mu ntambara ya kabiri y'isi yose. Yamenyaniye na Mandela muri kaminuza bombi bahuriye mu ishami ry'amategeko.

Usibye kuba yari avoka, George Bizos yabaye impirimbanyi ikomeye y'uburenganzira bwa muntu mu barwanyaga politiki y'Abazungu y'ivanguramoko yitwaga apartheid. Iyi ngoma y'apatheid imaze guhirima mu 1994, George Bizos yabaye umwe mu banditse itegeko nshinga rishya ry'Afrika y'Epfo nshya, n'amategeko yashyizeho Komisiyo y'Ukuri n'Ubwiyunge.

George Bizos atabarutse afite imyaka 92 y'amavuko.

Facebook Forum

XS
SM
MD
LG