Uko wahagera

Amerika Yarungitse Ubwato bw'Intambara mu Kigobe ca Taiwan


Ubwato USS McCampbell.

Leta zunze ubumwe z'Amerika yohereje ubwato bw'intambara mu kigobe cya Taiwan, muri iki gihe Amerika n'Ubushinwa barebana ay'ingwe.

Ikigobe cya Taiwana ni kilometero 150 z'amazi y'inyanja iri hagati y'iki kirwa cya Taiwan n'Ubushinwa. Umutwe w'ingabo z'Amerika zirwanira mu mazi y'inyanja ya Pasifika, U.S. Pacific Fleet, watangaje ku rubuga rwawo rwa twitter ko woherejeyo ubwato bwitwa USS McCampbell bushobora kurasa za misile, ejo kuwa gatatu, bwitambukira gusa.

Naho minisiteri y'ingabo ya Taiwan yatangaje ko ubu bwato buri mu milimo yabwo ya buri munsi isanzwe. I Beijing, umurwa mukuru w'Ubushinwa, umuvugizi wa minisiteri y'ububanyi n'amahanga y'Ubushinwa, Zhao Lijian, yatangaje ko barimo bakurikiranira hafi cyane urugendo rwa USS McCampbell. Yongeyeho ko guverinoma y'Ubushinwa yizeye ko "Amerika itarimo ishaka guhungabanya amahoro n'umudendezo mu karere."

Muri aya mezi, Ubushinwa na Leta zunze ubumwe z'Amerika bongereye ibikorwa bya gisilikali, birimo n'imyitozo ikomeye, hafi ya Taiwan, Ubushinwa buvuga ko ari intara yabwo.

Akenshi igura intwaro muri Leta zunze ubumwe z'Amerika. Ariko mu kwezi gushize, yatangaje ko igiye kugura mu Bufaransa ibikoresho bishyashya byo kuvugurura ubwato n'indege by'intambara byayo. Leta y'Ubushinwa yiyamye Ubufaransa, ibusaba kutongera kugurisha intwaro muri Taiwan, nk'uko bwabikoze mu 1991 no mu 1992.

Facebook Forum

XS
SM
MD
LG