Uko wahagera

Amerika Yakoranyije Inama y'Ibibihugu 30 ku Mutekano w'Ikoranabuhanga


Iyi nama yafunguwe n'umujyanama wa Perezida Biden mu by'umutekano, Jake Sullivan. Irabera ku buhanga bw'amashusho ya videwo. Uretse Leta zunze ubumwe z'Amerika, irimo n'ibihugu by'ibihangange nk'Ubuhinde, Ostraliya, Ubudage, Ubwongereza, Canada, Ubufaransa, Bresil, Mexique, Ubuyapani, Ukraine, Irelande, Isirayeli, n'Afrika y'Epfo.

Ibindi biyirimo ni nka Emira z'Abarabu zunze ubumwe, Bulgariya, Estoniya, Repubulika Domikani, Nouvelle-ZĂ©lande, Singapour na Kenya.

Nyamara rero, Uburusiya, igihugu cy'igihangange cyane mu ikoranabuhanga, ntibwatumiwe. Kandi, nk'uko ibigo ntaramakuru mpuzamahanga nka AP yo muri Amerika na Reuters yo mu Bwongereza bibivuga, Uburusiya bucumbikiye imitwe myinshi y'abagizi ba nabi bamaze igihe bibasira ibihugu bitandukanye kugirango ibacuze amafaranga. Abahanga bemeza ko iyi mitwe ishobora kuba atari iya leta y'Uburusiya, ariko iyi leta iyizi neza, ikayireka igakora ibyo yishakiye.

Leta zunze ubumwe z'Amerika ivuga ko mu mwaka ushize, iyi mitwe yagabye ibitero ku isi yose byayinjirije amadolari miliyoni 400. Kuri AP, kuba Uburusiya butaratumiwe birerekana umwuka mubi uri mu mubano w'Uburusiya na Leta zunze ubumwe z'Amerika.

Facebook Forum

XS
SM
MD
LG