Uko wahagera

Amashuli yo mu Majyaruguru ya Nijeriya Yafunguwe


Ishuli rikuru ry'Ababatisita rya Bethel riri mu yari yarafunze imiryango nyuma y'igitero cy'amabandi cyabaye mu kwezi kwa gatandatu kigafata bunyago abanyeshuli bahigaga

Abategetsi muri Nijeriya bongeye gufungura amashuri muri Leta ya Kaduna mu majyaruguru y’igihugu nyuma y’amezi abiri afunze biturutse ku mutekano muke.

Leta ya Kaduna yazahajwe n’ubushimusi bukorwa n’abantu bitwaje intwaro kandi ikigega cy’umuryango w’abibumbye cyita ku bana, UNICEF kivuga ko abana b’Abanyanijeriya bagera kuri miliyoni imwe bafite ubwoba bwo gusubira ku ishuli.

Kaduna ni imwe muri Leta zibasiwe kurusha izindi n’ishimutwa ry’abanyeshuli ryatangiriye mu majyagururu ya Nijeriya mu mpera z’umwaka ushize. Kuva mu kwezi kwa 12, guverinema itangaza ko abana b’abanyeshuli barenga 1,000 batwawe bakuwe ku mashuli muri ako karere.

Ishimuta rikorwa ubusanzwe n’amabandi n’uduco tw’abanyarugomo bo mu karere, basaba ingwate y’amafaranga imiryango y’abashimuswe. Izindi Leta zahuye n’ibibazo nk’ibyo ni Nijeri, Zamfara na Katsina.

Mu gushakira umuti icyo kibazo, abategetsi bo muri Leta ya Kaduna bafunze amashuri mu kwezi kwa karindwi, ariko bongeye kuyafungura muri uku kwezi, bavuga ko ibintu bimeze neza kurusha mbere.

Mu byumweru bibiri bishize, ikigega cy’Umuryango w’Abibumbuye cyita ku bana, UNICEF, cyagereranyaga ko abana babarirwa muri miliyoni imwe muri Nijeriya, bashobora kutazabasha kwiga kubera impungenge z’umutekano.

UNICEF igereranya ko Nijeriya ari yo ifite umubare munini kurusha ahandi w’abanyeshuli batarimo kwiga, mu bagera kuri 13 n’ibihumbi 200 kw’isi. Rudra Sahoo wa UNICEF, ushinzwe uburezi muri Nijeriya, avuga ko umubare w’abana batiga mu gihugu, ushobora kuba urenze uwo.

Umwigisha muri Nijeriya, Naomi Ibrahim, mu myaka irindwi ishize yafunguye ishuri ribanza rya Kewta i Kaduna, nyuma y’uko igitero cy’abarwanyi ba Boko Haram, gitumye ahunga Leta avukamo ya Borno.

Avuga ko intego ye ari ugufasha abana bahuye n’ingaruka z’ubushyamirane kubona uburezi bw’ibanze, ariko ko urugomo n’ishimita bibibasira, bibangamiye umurimo we kandi bikaba bituma n’abanyeshuri batiga.

Ibrahim avuga ko 50 gusa mu banyeshuri bagera mu 120 bataje mu gihembwe gishya cyatangiye mu cyumweru gishize. Kuba higa abana bake, abyamaganira ku mutekano muke mu karere.

Facebook Forum

XS
SM
MD
LG