Uko wahagera

Amakenga ku Miti ya Malariya mu Kurwanya Virusi ya Corona


Imwe mu miti ivura marariya

Nijeriya yabujije ikoreshwa ry’umuti wa Chloroquine mu kurwanya virusi ya Corona, COVID-19 nyuma y’uko abantu batatu bajyanywe mu bitaro kubera ko bafashe iyo miti irengeje igipimo.

Mu cyumweru gishize, Perezida w’Amerika Donald Trump mu kiganiro yagiranye n’abanyamakuru yavuze ko ikigo cy’igihugu gishinzwe ibiribwa n’imiti, FDA “cyemeje vuba na vuba uwo muti wa Chloroquine mu kuvura abanduye virusi ya Corona, ko abarwayi bashobora kuwandikirwa”.

FDA cyakora yasohoye itangazo nyuma y’icyo kiganiro, ivuga ko icyo kigo kirimo “gukusanya amakuru” kuri uwo muti wa Chloroquine usanzwe ukoreshwa ku ndwara ya Malaria, Lupus na Rubagimbande, kugira ngo barebe niba ushobora gukoreshwa mu kuvura abarwayi batangiye kugaragaza ibimenyetso byoroheje bya COVID-19.

Minisiteri y’Ubuzima i Lagos muri Nijeriya, nayo yasohoye itangazo ku muti wa Chloroquine igira iti: “Nta kimenyetso na kimwe gifatika dufite kigaragaza ko Chloroquine irinda cyangwa ibasha guhangana na COVID-19”.

Aho muri Nijeriya hari umugabo wabwiye televiziyo y’Inyamerika CNN dukesha iyi nkuru ko yabonye igiciro cy’umuti wa Chloroquine cyiyongera incuro zirenze 400 kw’ijana mu minota mike cyane.

Uwo muti wa Chloroquine usanzwe ukoreshwa mu kuvuga Malariya mu bice by’Afurika bikunze kubonekamo icyorezo cy’iyo ndwara.

Facebook Forum

XS
SM
MD
LG