Uko wahagera

Abayobozi muri Libani baramagana urugomo i Tripoli


Perezida wa Libani Michel Aoun

Minisitiri w’intebe wa Libani n’umukuru w’igihugu, bamaganye urugomo rwabaye mw’ijoro mu mujyi wa Tripoli, aho abigaragarambya barakajwe n’ingamba zikaze za guma mu rugo, basakiranye n’abasilikare bashinzwe umutekano kandi bagatwika inzu ya leta irimo ibiro bya komini.

Kuri uyu wa kane, ryari ijoro rya kane, mu majoro yikurikiranyije yabayemo imidugararo muri umwe mu mijyi ikennye kurusha iyindi ya Libani, nyuma y’uko guverinema i Beirut ishyizeho umukwabu w’amasaha 24 yo kubuza ikwirakwira ry’icyorezo cya COVID-19. Iyi ndwara yahitanye abantu barenga 2,500 kandi yateje ibibazo by’ubukungu.

Minisitiri w’intebe Hassan Diab, mw’itangazo yavuze ko, abanyarugomo batwitse ibiro bya komini kandi bagerageje gutwika inzu y’urukiko. Perezida Michel Aoun nawe yamaganye urwo rugomo, avuga ko ikibazo kihari ubu ari ukubasha gutsinda abo banyarugomo, batabwa muri yombi umwe umwe kandi bakagezwa mu butabera.

Iyo nzu ya leta yafashwe n’inkongi y’umuriro mbere ya saa sita z’ijoro y’ejo kuwa kane. Polisi yagiye irasa ibyuka biryana mu maso mu bigaragambyaga mu rugomo.Imihango yo gushyingura umurambo w’umugabo wari wahitanywe n’isasu mw’ijoro ryo kuwa gatatu, yongerereye ingufu abigaragambya.

Abasilikare bashinzwe umutekano bavuze ko barashe amasasu mazima, kugira ngo basandaze abari mu mukwabu bageragezaga kwigabiza inzu ya guverinema.

Facebook Forum

XS
SM
MD
LG